Ahmad
السبت، 10 نوفمبر 2012
عايزه تتكلمى الانجليزية زي الاجانب ؟؟؟ بنسأل نفسنا دايما .. مع اننا درسنا الانجلش في المدارس واتهرينا كورسات .. نجيب كتب ونقعد نحفظ في كلمات.. وفي الاخر لما نيجي نتفرج على فيلم امريكي بنلاقي نفسنا مش فاهمين حاجة ! .. وكل واحده تقول للي جمبها الانجليزية ده يا مرسي ؟؟!! الحل !! .. هو يعني يا اما نعيش في امريكا او بريطانيا او بلد اوروبي عشان نتكلم انجليزي كويس يا اما ندرس في مدارس اجنبي وجامعات امريكية .. يا اما خلاص عمرنا ما هنتقن اللغة لجواب : لا .. جبتلكم طرق حديثة لتعليم اللغة الانجليزية بالشكل اللي يخليكى تتكلمى الانجليزية زي الامريكان او الانجليز .. النتائج بتاعت الطريقة دي : هتتكلمى الانجليزية اسرع .. وبدون ما تفكىر في الجملة قبل ما تقوليها . لما تتفرجى على فيلم اجنبي مش هتحسى انهم ( بياكلوا نص الكلمة ) .. وحتى لو كلوها كلها .. برضو هتفهمى . 3- النطق .. هيبقى زي الامريكان بالزبط ! 4- هتتكلمى براحة وطلاقة .. ولما تتكلمى مع اجانب .. مش هتكونى محتاجه انك تركىز اوي عشان تفهمى هم بيقولوا ايه ! وعشان تحققى النتائج الهايلة دي لازم تغيرى طريقتك اللي بتدرسى بيها الانجليزية.. وتتبعى الطريقة اللي هقولك عليها : 1- ما تقعديش تحفظى في كلمات الانجليزية! ما تستغربيش .. أيوة ما تضيعيش وقتك بحفظ لستة كلمات وفي الاخر مش هيثبت في دماغك منهم الا كلمتين تلاتة . والبديل ؟؟؟ احفظى عبارات الانجليزية.. لأن العبارة او الفقرة بتتكون من مجموعة من الكلمات المترابطة مع بعضها بشكل انسيابي , لما تصادفك كلمات جديدة .. ترجميها واعرفى معناها .. لما تيجي تراجعيها راجعى الفقرة كلها اللي وردت فيها الكلمات دي .. مش تراجعى الكلمة وتسيبى العبارة .. كده غلط ! الطريقة دي بتخليكى تتعلمى الانجليزي بشكل اسرع من 4-5 مرات من طريقة دراسة المفردات لوحدها ..
0 Komentar untuk "ما تقعديش تحفظى في كلمات الانجليزية ما تستغربيش"