السلام عليكم ورحمة الله وبركاته
أنا الحين عديت التحضيري مع مستويين بالجامعه والحمدلله معدلي حلووو بس المشكله مو هنا
المشكله بكيف أتكلم أنا ماشيه بالكتابه أكثر من الكلام أتردد لما اجي أتكلم ويضيع الكلام اللي بقوله ما احب اسمع انقلش ومادخلت الانقلش عن حب يمكن مغامره ..
الحين ودي اطور نفسي ارشدوني وش أسوي باقي شهرين تقريبا ع الدراسه ودي اطلع بشي مفيد ابي لو اتكلم شوي وتكون عندي الجرأه ويكون لساني منطلق بالأنقلش
وأما تطوير نفسي بالمفردات إن شاء الله لاحقه عليه أهم شي أتكلم واستعمل حصيلة الكلمات اللي عندي ....
صديقتي فيه فرق بيني وبينها أنا لما نجي نكتب أحسن منها وبالسبلنق دايم كتابتي صحيحه
أما هي تكلم ما شاء الله وأنا معدومه عندي هالمهاره ..
طلبتكم قولولي وش أسوي يعني الحين اركز بالاستماع بس لأني اتشتت بكذا شي ومعلومه حفظي بطئ أفهم اكثررر وما اركز
أبي ترشدوني وماتشتتوني وتعطوني مواقع للاستماع وعندي رابط للإذاعه ممكن يفيدني ..
طيب وإذا جلست استمع وش أركز عليه يعني استمع وأعود أذاني ع الاستماع ولا استمع وأترجم اللي ما أفهمه جد أحس إني محتاسه ..
يجيني شعور هالأيام إني أحول للقسم اللي أحبه وهو علم النفس لحظه غباء مني دخلت أنقلش قلت علم النفس أقدر أخذ دورات أما الأنقلش لغه محتاجه لها لتعلم أساسياتها واحترافها وتعرف على الثقافه الاجنيه يعني مايبيلها دوره كم شهر ولا سنه حتى تكفي هي اللغه الطاغيه بكل مكان حسيت إني ندمت
بس قدر الله وما شاء فعل ..
أرشدوني الله يجزاكم خييير ..
Tag :
تعلم الانجليزية
0 Komentar untuk "أطور نفسي بالأنقلش أو احول لقسم غيره"